أول تدوينة خاصة لعشاق القهوة المعشوقة السمراء
طبعاً ما فيه بيت إلا فيه عالأقل شخص اذا مو أكثر مجنون قهوة
أنا حبيت اعمل ركن قهوة مؤقت وعملي لاني قريب ناقلة من البيت.
دحين حأوريكم الركن البسيط مبدئياً قبل التزبيط
دحين حأوريكم الركن البسيط مبدئياً قبل التزبيط
أول حاجة نشوف الركن مع بعض وبعدين اقولكم اش ناويه اسوي
بسم الله
هنا ركني الجميل والبسيط
نمر عليه بالتفصيل
الآلة الجميلة أخذتها من محل
كان سعرها 100 وشيء ما افتكر كم بالزبط
تقدروا تشوفوا موقعهم فيه اشكال كثيرة اختاروا اللي يناسبكم حقتي تلاقوها في امازون هنا
امازون ارخص من الموقع حقهم موديلها Keurig K250 وفي منها ألوان اكثر
والمنظم كامل اخذتو برضو من امازون جداً جميل ومفيد اللي هوا عاليمين الادراج اللي فوق وتحت كلها مع بعض ب 38 دولار
في الوسط المنتجات الشبه يومية نسكافه بدون كافيين وافضل صوص كراميل جربتو في امريكا هنا
وهنا نكهة الكراميل ومبيض قهوة بالكراميل والفانيلا
و كابتشينو لزيز بنكهة الفانيلا الفرنسية من ولمارت
الدرج الأول فيه شاي لاتيه اللي ما استغني عنو زي الشاي العدني
والثاني حفظت فيه شاي اعشاب زي كراوية ويانسون ومرامية جاهزة للشرب
وفوق أظرف قهوتي المفضلة تبع الآلة
وفي الوسط شوكولاته بيضاء خام عشان موكا الشوكولاته البيضاء
ورا الاكواب الورق
واظرف النسكافيه العادية لتزبيط المود السريع
والادرج اللي تحت عددها 3 وزعت فيها كبسولات الآلة
الاثنين الفاضية للملاعق والسكر (ما احب القهوة بسكر لذا تركتها فاضية لاشعار آخر)
وباقي أغراض القهوة الكبيرة والغير يومية في دولاب فوق ركن القهوة
كوب لعشاق القهوة
مع صحباتي
أغلب المنتجات اذا مو كلها موجودة في ولمارت وتارقت واغلب السوبرماركتات المعروفة بس حطيت روابط من امازون عشان تناسب الجميع اللي عايشين في قرى ما فيها ول مارت أو اللي مو مبتعثين وحابين يجربوها.
التغييرات اللي باقية ان شاء الله حأشتري طاولة متنقلة صغنونة خاصة للقهوة وملصقات جدارية وملاعق القهوة الخاصة وديكور يناسب الجو عشان افتحلي مقهى بيتوتي.
انتظروا الركن بحلته الجديدة متى ما اكتمل حأنزل جزء ثاني ان شاء الله
وشكراً للمتابعة.
ليست هناك تعليقات:
إرسال تعليق